قیدی صیحونی یہواہ نے لیاندے جد چھڈا
تد اساڈا حال سی جیوں سُفنا کوئی ویکھدا
Qaidi sehuni Yehowa ney leyanday jad chada
Tad asada haal see jiwein sufna koi weikheda
مُنہ اساڈے بھر گئے ہاسے تے راگاں نال تد
غیر قوماں وِچ ایہہ چرچا سی کہ ایہناں دا خُدا
Munh asady bhar gaye hasey te ragaan nal tad
Ghair qauman wich eh churcha si ke ehna da Khuda
کردا ہے ایہناں دے اُتے بڑیاں مہربانیاں
مہربان ساڈا یہواہ خُوش اسیں اُوس تھوں سدا
Karda hi ehena de utay bariyaan meharbaniyaan
Meharbaan sada Yehowa khush asi os tho sada
تُوں اساڈے قیدی سارے دکھنی نہراں دے وانگ
اپنی رحمت نال یا رّبا چھڈا کے گھر لے آ
Tu asady qaidi saray dakhani nehraan de wang
Apni rehmat nal ya Rabba chuda ke ghar leyaa
ہنجواں دے نال رو رو کے جو بی ہین بیجدے
فصل وڈّھن گے خُوشی دے نال گا گا کے سدا
Hanjuwaan dey nal rou rou ke jo bi hain beejdey
Fasal wadhan ge khushi de naal ga ga ke sada
بیج دا چُک کے ذخیرہ روندا ہویا جاندا ہے
پر خُوشی دے نال بےشک بھریاں چُک کے آوے گا
Beej da chuk key zakhira rounda houya janda hai
Par khushi dey nal beshak bhariyan chuk ke avey ga
