ربّ اساڈا زور ہے تےنالے ساڈی ہے پناہ
دے مدد اوہ سختیاں وِچّ جیہٹرا ساڈا ہے خُدا
Rab asada zor hi te nalay sadi hi panah
De madad oh sakhtian wich jehra sada hi Khuda
ایس لئی کُچھ ڈر نہیں بھاویں زمین جاوے اُلٹ
سارے پربت رُڑھ کے بھاویں وِچ سمندر پین جا
Is lae kuch dar nahi bhawain zameen jawey ulat
Saray parbat rurh ke bhawein wich samunder pain ja
بھاویں جیکر ہٹر وی آوے نالے پانی کرن شور
خوف نہ کرئیے پہاڑاں دا بھایں چھڈ جان جا
Bhawain jekar harh we awey nalay pani karan shor
Khouf na keriye paharan da bhawein chad jan jaa
اِک ندی ہے دھاراں جہدیاں شہر نُوں خوش کردیاں
پاک رب دے مسکناں نون جس دا مالک ہے خُدا
Ik nadi hi dharan jidhyan shehar nu khush ker diyan
Pak Rab d emaskanan nu jis da malik hi Khuda
ہے خُدا وچ اوس دے اوہنوں نہ جُنبش ہووے گی
فجر ای ہووے گا مددگار رب اوس شہر دا
Hi Khuda wich os de ohnu na junbash howeygi
Jafar e howay ga madadgar Rab ous shehar da
قوماں آئیاں جوش وِچ تے بادشاہیاں ہل گیاں
دھرتی سب پگھر گئی رب نے جدوں کیتی صَدا
Qouman aiyan josh wich te badshahyan hil gayan
Dharti sari pighar gai rab ne jadon keeti sada
جو یہواہ لشکراں دا آپ ساڈے نال ہے
جو خُدا یعقوب دا ہے سوئی ساڈی ہے پناہ
Jo Jehowah lashkaran da ap saday nal hi
Jo Khuda Yaqoob da hi sohi sadi hi panah
