میری دِل وچ شاہ دے ولوں خُوش خیال جو آیا ہے
اوہدا میں بیان ہاں کردا جو مضمون بنایا ہے
Mere dil wich shah de walon khush khayal jo aya hi
Ohda main bayan han karda jo mazmoon banaya hi
میری ایہہ زبان ہے قلم چھیتی لکھّن والے دی
بنی آدم تھوں ہے وَدھ کے تیری سوہنی صُورت وی
Mere eh zuban hi kalam cheeti likhan walay di
Bani adam thon hi wadh ke tere sohni soorat we
تیرے ہونٹھاں نے اے بادشاہ رحم تے فضل پایا ہے
ایس لئی مُبارک تینوں رَبّ نے آپ ٹھہرایا ہے
Tere hontan ne aye badshah rehan te fazal paya hi
Es lae mubarik tenu Rab ne ap thehraya hi
اے جبّار اُٹھ پہن لے اپنی تُوں بزُرگی دی تلوار
اپنی عزت تے بزُرگی حشمت دے نال ہو اسوار
Aye jabbar uth pehan le apni tu bazurgi di talwar
Apni izzat te bazurgi hashmat de nal ho aswaar
تُوں سچیائی تے حلیمی اپنی راستی لئی بادشاہ
آپ اپنے اقبال دے اندر اگے اگے ودھدا جا
Tu sachyai te haleemi apni rasti lae badshah
Ap apnay iqbal de ander agay agay wadh da ja
تیرے ہتھ اے بادشاہ تینوں ڈاہڈے کم سِکھاون گے
تیرے تِکھے تیراں دے نال لوکی ڈِگ ڈِگ جاون گے
Tere hath aye badshah tenu dadhay kam sikhawan ge
Tere tikhay teeran de nal loki dig dig jawan ge
