جا وے یہوداہ توں تے ناصری نوں چھوڑیا
سچیاں محبتاں نوں پلاں وچ توڑیا
توں تے ہر ویلے یسوع نال نال رہنداں سیں
اودھے نال اٹھدا تے اوہدے نال بیندھا سیں
دس ہاں توں کیڑہی گلوں رُخ ہون موڑیا
نال اودھے کھاندا سیں تے نال اودھے پیندا سیں
اوسے دے فضل نال ہر ویلے جیندا سیں
ظلم کما کے روح دی زندگی نوں چھوڑیا
تیس روپیے اودھی قیمت چکائی توں
رقم گناہاں والی تھیلی وچ پائی توں
کر کے کمائی اوتھوں فٹا فٹ دوڑیا
لشکر لے کے گتسمنی چے آیا توں
فقیاں فریصیاں دا روب جمایا توں
پھڑ کے یسوع نوں تد ظالماں مروڑیا
چوم کے تے مُنہ اودا اوہنوں پھڑوایا توں
داغ گناہاں والا دل اتے لایا توں
اپنے تے کیتا توں تے ظلم نگوڑیا
