Sialkot Convention | سیالکوٹ کنونشن

اے خُداو ند میرے توئیں کر رکھوالی
میرا سب بھروسہ توئیں ہیں رب والی
Aye Khudawand meray Tuwein  kar  rukhwali
Mera sab bharosa Tuwein  hai  Rab  wali

---

میری جان خُدا نوں ایہو کہندی آہی
تیرے باہجوں میری نہیں ہے بھلیائی
Meree jaan  Khuda  nou Eho  kehnde  aahee
Teray  bahjoun  meri Naheen  hai   bhalayee

---

جو ہے دھرتی اُتے بھلا لوک چنگےرا
اوہناں دے نال راضی رہندا ہے دل میرا
Jo  hai  dhartee  utay Bhala   lauk  changera
Ohna day naal razee Rehanda hai dil   mera

---

غیراں دے نال بنھ دے قول قرار ہُن جیہڑے
اوہناں دے دکھ سدا ۱ودھن گے بتھیرے
Gheran de nal bandhdey Qol-karaar hain jehray
Ohna de dukh  sada Wadhan gay batheray

---

نہ تپاون خُون دے اوہناں دے تپاواں
نہ میں اپنے مُنہ تے اوہناں دا ناں لےاواں
Na tapawan  khoon day Ohna  day  tapwaan
Naa mein apnay mounh tey Ohna da naa liyawa

---

توں میراث ہیں میری میرا توں پیالہ
جہڑا میرا حصہ اوہدا توں رکھوالا
Tu miras  hain meri Mera  tu  piyaala
Jehra mera hissa Ohada tu rakhwala

---

تھاں ہے منیاں گیا میرے واسطے جیہڑا
اوہ ہے جگہ سوہنی ستھرا حصہ میرا
Thaan  hai  minyaa  gaya Mere  wastay  jehra
Oh  hai jagaha sohni Suthra  hissa mera

اے یہواہ تیرے گھر کون سلامت رہے گا؟
کون جو تےرے پاک پہاڑ اُتّے رہے گا سدا؟
Aye Yehowa  tere  ghar Kaun  salamat  rahey  ga
Kaun jo tere  paak  pahaar Utay  rahey ga  sada

---

سدھی چال جو چلدا اے اوہ راستی نال کم کر دا
اپنے دل نال بولدا سچ تے چغلی نہیں کردا
Sidhi chaal jo chalda aye Oh rasti naal kam karda
Apne dil naal bolda sach Tay chugli nahee karda

---

اپنے حق ہمسائے نا ل اوہ کردا نہ بریائی
عیباں والی اوہناں تے گل اوس کدی نہ لائی
Apnay haaq humsaye naal Oh karda  naa  buriyai
Eybaan walee  ohna te Gal ous kadee naa layi

---

جہدے اگے بُرا آدمی ہے نکماں بندہ
پر یہواہ تھوں جو ڈردا !اوہنوں عزّت دیندا
Jiday  agay  bura  admi Hai nikammaa  banda
Par Yehowa  thon jo darda Ohnu  izat   deinda

---

اپنی سونہہ تھوں کدی نہ مڑدا بھانوےں گھاٹا کھاوے
دیندا اوہ اُدھار پر او س تے کدی بیاج نہ لاوے
Apni sonh thon kadi na murda Bawain ghata khaway
Deinda oh odhaar par us te Kadi biyaaj na laway

---

نیکاں دے ستاون لئی وڈھی کد ی نہ لےندا
جیہڑ ا کم اجیہے کردا سدا سلامت رہندا
Naikan de satawun layee Wadde kadee na lainda
Jehra  kam ajehey  karda Sada salamat  rehnda

دائم یہواہ یا رّب ! قائم ہے تخت تیرا
تُوں واسطے نیاں دے تخت اپنا ہے وچھایا
Dayam Yehowa ya  Rabb Qaim hai takht  tera
Tu  wastay neyaan  dey Takht apna hai wichaya

---

دُنیا دا توں کرےں گا انصاف سچّا یا رّب
سچیا ئی نال ہوندے قوماں دے فیصلے سب
Duniya da tu karein ga Insaaf   sacha  yaa  Rabb
Sacheyai  naal  hondaey Qaouman de  faisale  sab

---

د کھیاریاں لئی ہے محکم مکاں یہواہ
وہناں دے دکھ دے ویلے ہے اوہناں دی پنا ہ گاہ
Dukheyaareyaan layee hai Mohakam makaan Yehowa
Ohna dey dukh dey wailey Hai  ohna  dee panah gah

---

آس اوہناں دی ہیں تُوئیں جپدے جو نام تیرا
جو ڈھوندے نے تینوں اوہناں نوں چھڈ نہ دیندا
Aas ohna dee hain tuein Japday  jou  naam tera
Jou dhoondade  ne  teinu Ohna nu chad  naa  deinda

---

صیحون وچ یہواہ تعریف ا وہدی گاﺅ
سب کم اچرج اوہدے قوماں نوں جا سُناﺅ
Sehoon   wich  Yehowa Tareef  ohadi  gaao
Sab  kam  acharj  ohaday Qaoumaa  nu  jaa sunao

---

پُچھ کر دا خُون دی جد اوہناں نوں یاد کر دا
فریاد عاجزاں دی ہرگز نہیں اوہ بھُلدا
Puch karda khoon dee jad Ohnaa nu yaad karda
Fariyaad aajizaan dee Hargiz  naheen oh bhulda

جدوں تینوں پُکاراں میں تُوں سُن سچیائی دے رّبا
میرا دکھ دُور کیتا تُوں دُعا سُن رحم وی فرما
Jadoun tenu pukaraan main Tu sun suchyaee dey Rabba
Mera dukh door keeta tu Duwa sun reham wee farma

---

تُسی لوکو میری عزّت کرو گے خوار کَد تیکر
رکھو گے جھُوٹ نوں پیارا چلو گے جھُوٹدے راہ پر
Tusee louko meree izaat karo gey khar kad teekar
Rakhou gey jhout nu peyaraa chalou gey jhout dee raah par

---

یقیں جانو یہواہ نے ہے چُنیا دینداراں نوں
جَد اوس نوں میں پُکاراں گا سُنے گا اوہ پُکاراں نوں
Yaqeen janou Yehouwa ney hai chunyya deendaraan nu
Jad ous nu main pukkaraaan ga sunay gaa oh pukaraan nu

---

نہ جانا پاپ دے نیڑے پر اوس تھوں کمبدے رہنا
تے اپنے بسترے اُتے دِلاں وچ سوچ چُپ رہنا
Naa janaa paap dey nerey par ous thoun kambdey rehna
Tey apney bistarey uttey dillaan wich souch chup rehna

---

چڑھاوسچ دی قربانی بھروسہ رکھ یہواہ دا
بہتیرے کہندے سانوں کون چنگی شے وکھاوے گا
Charhaou sach dee qurbanee Bharosa rakh Yehouwa daa
Batherey kehendey sanu kaoun Changee shey wikhawey gaa

---

یہواہ اپنے چہرے دا اساڈے اُتے چانن کر
میں خُوش ہاں اوہناں تھوں ود جو خُوش ہیں اپنی دولت پر
Yehouwa apney chehrey daa Asadey uttey channan kar
Main khush haan ohna thou wadh key Jo khush hain apni daoulat par

---

میں سوں جاواں گا نسچے نال جدوں میں لیٹ جاواں گا
یہواہ چین دے وچ مینوں توئیں آپیں رکھیں گا
Main soun jawaan gaa nischey naal Jadoun main late jawaan gaa
Yehouwa chain dey wich mainnu Tu wain appeen rakhein gaa

اوہ دھن ہے جو نہ منّدا ہے صلاح شریراں دی
نہ ٹُردا اے اوہ بُریاں دے راہ اُتے کدی وِی
Oh dhan hi jo na manda hi salah shariran di
Na turda aye oh buryan de rah utay kadi we

---

مخولیاں دے جلسے وِچّ نہ کدی بہندا اے
پر دِنے راتیں شرع نُوں اوہ سوچدا رہندا اے
Makholyan de jalsay wich na kadi behnda aye
Par dinay ratein sharah nu oh sochda rehanda aye

---

حال اوہدا اے اوس بُوٹے وانگ جو لگا پانی تے
پھل اپنے ویلے دیوے گا نہ پَتر سُکّن گے
Hal ohda aye os bootay wang jo laga pani te
Phal apnay welay devayga no patar sukan gey

---

اوہ اپنے سارے کماں وِچ پھل دائک ہووے گا
پر تُوڑٹی وانگر وا دے نال بدکار اُڈ جاوے گا
Oh apnay saray kamaan wich phal daik howey ga
Par torhi wangar wa de nal badkar ud jawey ga

---

شریر تے وچ کچہری دے کھلو نہ سکن گے
نے منڈلی وچ سچیاراں دِی بدکار نہ ٹھہرن گے
Sharir te wich kachehri de khalo na sakan ge
Te mandli wich sachyarian de badkar na thehran ge

---

کیوں جو یہوّاہ پاک خُدا راہ جاندا صادق دا
پر راہ جو ہے شریراں دا سو  اُڈ    پُڈ جاوےگا
Kyoun jo Jehowah pak Khuda rah janda sadiq da
Par rah jo hi shariran da so ud pud jawey ga