Mazameer | مزامیر

(کورس)
یا رّب توں میری پناہ ہے سو توں اَے میری جان
خُدا وند دے وِچ رہندی ہے اوہ تیرا ہے مکان
Ya Rabb tu meri panah hai so tu aye meri Jaan
Khudawand dey wich rehndi hai oh tera hai makaan

---

سو تیرے اُتے کدی وی نہ آفت آوے گی
تپا لی تےرے ڈیرے وچ نہ کدی جاوے گی
So teray utay kadi we naa aafat away gee
Tapali teray dairay wich na kadi jaway gee

---

رّب تےرے واسطے کرے گا فرشتیاں نوں فرمان
کہ اوہ سب تیریاں راہاں وچ ہون تیرے نگہبان
Rabb teray wastay karay ga farishtayan nu farman
Keh oh sab teriyaan rahan wich houn teray nighaban

---

سو تینوں اپنیاں ہتھاں تے اوہ آپ اُٹھاون گے
تد پتھراں دے نال تیرے پیر نہ ٹھیڈے کھاون گے
So tenu apnayan hathaan tay oh aap utawan gey
Tad pathran dey nal tere peir na theday khavan gey

---

توں شیر تے سپ لتاڑیں گا شیر بچّے اجگر وی
توں پیراں ہیٹھاں پھیویں گا پھیر کھوپڑی اوہناں دی
Tu sher te sap latarain ga sheir bachay ajgar we
Tu peiran hethan pheivein ga phair khopari ohana di

(کورس)
ساڈی بَدکاری رکھی ہے ساری اپنے توں اگّے خُدا
Sadee badkari rakhi hai sari apney tu agay Khuda

---

تیرا ہی چہرہ روشن ہے جیہڑا جاندا سب چُھپے گُناہ
دِن اساں سارے غَم دے گُزارے قہر وِچ تےرے سدا
Tera hi chehera roushan hai jehra janda sab chupay gunah
Din asaan sare gham dey guzaray qehar wich teray sada

---

ساڈی عُمر وی گئی ہے گُزر وی جیوں اِک گُزرے خَیال
ستّر ورھے تیک اسّی ورھے تیک آخر نوں پھیر وی فنا
Sadi umar wi gayee hai guzar wi jewein eik guzre kheyal
Satar warhay tek, assi warhay tek Akhir nu phir wee fana

---

ہے ساری طاقت محنت مشقّت جاندی ہے رہندی شتاب
جاندا ہے کہیڑا ات غُصہ تیرا تےرے غضب نوں خُدا
Hai sari taqat mehenat mushaqat jandi hai rehendi shatab
Janda hai kehra att ghusa tera, teray gazab nu Khuda

اَے خُداوند اپنا راہ اپنے بندے نوں وکھا
تیری ہی سچیائی دی کراں گا میں پیروی
میرا دِل اِک پاسے کر تاں میں رکھا ں تیرا ڈر
Aye khudawand apna rah apney bandey nu wikha
Teri hi sucheyae di karaan ga main pervi
Mera dil ik pasey kar taan main rakhan tera dar

---

اے خُداوند پر جَلال اپنے سارے دل دے نال
تیری اُستت گاواں میں سدا تیک سُناواں میں
تیرے ناں دی اَے خُدا میں وڈیائی کراں گا
Aye Khudawand pur jalal apnye sarey dil dey nal
Teri usat gawaan main sada teek sunawaan main
Terey naan dee aey Khudamain wadeyaee karaan ga

---

تیری رحمت ہے کمال اے خُدا ایس بندے نال
گور دے وچ سی میری جان توئیں اوسنوں اے رحمٰن
قبر دے پتال تھوں وی توں خلاصی بَخشی سی
Tere rehmat hai kamal aey Khuda eis bandey naal
Gour dey wich see meri jan toueyin ous nu aye rehman
Qaber dey patal tho wi tu khalasi bakhshi see

میں گَل خُدا دی سُناں گا جد کرے گا کلا م
کہ اوہ تے اپنے بندیاں نال پاک لوکاں نال تمام
Main gal khuda di suna ga jad kare ga kalam
Te oh te apney bandiya n nal pak lokaan nal tamam

---

گَل کرے گا جو اوس دی بات ہے صُلح سلامتی دی
پَر چاہیدا ہے جو مُڑئیے نہ ایس گَل توں اسی وی
Gal kare ga jou ous di bat hai sulah salamti dee
Par chahida hai jou murrye na ies gal tou assi we

---

ہے مُکتی نیڑے اوہنا ں دے جو رکھدے اوسدا ڈر
تاں ساری دھرتی ساڈی وی جلال دا ہووے گھر
Hai mukti nere ohna dey jou rakhdey ous da dar
Taan saree dharti sadi we jalal da howey ghar

---

سچیائی رحمت آپو وِچ ہُن دونویں مِلیاں ہین
تے چُمّیا ہے ا ِک دوجی نوں سچیائی صُلح نے
Sucheyai rahmat aapou wich Hundowein miliyaan ne
Te chumeya hai ik dooje nu sucheyai rehmat ne

---

ہُن دھرتی وچوں ویکھو گے سچیائی اُگے گی
سچیائی وی آسماناں تھوں ہُن جھاتی پاوے گی
Hun dharti wichou wekhou gey sucheyai uggey gi
Sucheyai we asmana tho hun jhati pawey gi

---

جو چنگا ہے سو دیوے گا یہواہ بالیقین
تے اپنا حاصل دیوے گی ایہہ ساڈی سب زمین
Jou changa hai so dewey ga Yahowah bilyaqin
Tey apna hasil dewey ge eh sadi sab zamin

---

سچیائی اوہدے اگّے ہی تد چَلدی جاوے گی
تے اوہدے کُھرے پینترے نوں اِک راہ بناوے گی
Sucheyai ohdey aggey hi tad chaldi jawey gi
Tey ohdey khurey pentrey nu ik rah banawey gi

خُدا وندا توں لشکراں دا خُدا ہے
ٹھِکانا تےرا مےنوں چنگا لگا ہے
Khudawanda tu lashkaran da Khuda hai
Thikana tera meinu changa laga hai

---

میری جان چاہندی تیری بارگاہ نوں
میرا مَن میرا تَن وی کردا ثنا ء ہے
Meri jan chahandi teri baargah nu
Mera man mera tan we karda sana hai

---

اَٹیرن تے چِڑیاں تے آہلنا پایا
بنائیونیں بوٹاں دے رہنے دی جا ہے
Ateran tey chiriyaan ney ahlana paya
Bnai onah boutan de rehan di ja hai

---

ہاں ایسے طرح اَے میرے بادشاہا
تیرا مذبح میرے لئی اِک پناہ ہے
Haan aisay tarha aye meray Baadshaha
Tera mazbah meray lai ek panah hai

---

مُبارک تیرے گھر دے سب رہن والے
ثنا تیری اوہناں دے مُنہ وِچ سَدا ہے
Mubarik tere ghaar de sab rehan wale
Sana teri ohna de munh wich sada hai

---

مُبارک ہے اوہ جِس دا ہے زور تیتھوں
اوہناں دے دِلاں وِچ تے تیرا ہی راہ ہے
Mubarik hai oh jis da hai zour tethon
Ohna de dilaan wich te tera he rah hai

---

اوہ ٹُردے نے رونے دے جنگل وِچوں دی
تے لیندے اوہ اوتھے ہی چشمہ بنا ہے
Oh turdy ne ronay de jungle wichon di
Te leinday oh othay he chashma bana hai

---

جدوں ہندی اے پہل چھَلے دی بارش
اوہنوں بَرکتاں نال لیندی چھپا ہے
Jadoun hundi aye pehal chalay di barish
Ohnu barkataan naal leindi chupa hai

---

اوہ اِک زور تھیں زور تَک ودھدے جاندے
تے گھر پہنچ جاندے خُداوند خُدا ہے
Oh eik zor thin zor tak wadhady janday
Te ghar pohanch jande Khudawand Khuda hai

---

میری گَل تے کَن دھر توں یعقوب دے رّب
تے سُن لئیں توں آپیں میری جو دُعا ہے
. Meri gal te kan dhar tu Yaqoob d Rabb
Te sun layen tu apein meri jou dua hai

سُن اَے میری امّت میں دسّاں گا
چا جے توں اسرائیل میری گل سُنیں گا
نہ تیر ا ہو کوئی وی دوجا خُدا کہ جِس اگّے دیویں توُں سِر نوں جھُکا
Sun aye meri umat main dasanga cha
Jey toun Israel meri gal suney ga
Naa tera hou koi wee duja Khuda
Keh jis aggey dewein tu sir nu jhuka

---

میں تیرا یہواہ خُدا ہاں ہر حال جو مِصر تھیں تینوں لے آیا نِکال
توں اپنا مُنہ کھول دے تےمیں وی ضرور
ہاں بَرکت نال اوس نوں کراں گا بھر پُور
Main tera Yehowa Khuda haan har haal
Jou Missar thi tenu leaya nikaal
Tu apna munh khol de te main wi zaroor
Haan barkat naal ous nu karanga bharpur

---

پَر اوہناں نے سُنی نہ میری صدا نہ اسرائیل کیتی کُجھ میری پرواہ
تد چھڈ دِتا اوہناں نوں میں وی گُمراہ تے اوہناں نے پگڑیا مُڑ اپنا ہی راہ
Par ohna ney suni naa meri sada
Naa Israel kitee kujh meri parwah
Tad chad dita ohna nu main wi ghumra
ohna ney pagarea mur apna hi rah

---

جے لوک میرے سُندے ایہہ میرا کلام تے اسرائیل مَندا راہ میرا تمام
تد ویری سب اوہناں دے کر دا مَغلُوب
تے ہتھ اپنا پھیر دا مےں اوہناں تے خُوب
Jeh loug mere sonde eh mera kalam
Te Israel manda rah mera tamam
Tad veri sab ohna de karda maghloob
Te hath apna pherda mein ohna te khoob

---

جو ویر رکھدا دِل وچ یہواہ دے نال نہ رہے گا کدی ہمیشہ خوش حال
پر مومناں نُوں کنک نال رجاندا خُدا
چٹان وچوں شہد وی کھلاندا خُدا
Jo ver rakhda dil wich Yehowa de naal
Nah rahe ga kadi hamesha khush haal
Par momna nu kanak nal rajanda Khuda
Chatan vichon shehad vi khalanda Khuda Te

(کورس)
رّب سچ مُچ اُس دی سُندا ہے دُعا جو اُس توں منگدا ہے
اپنے اسیراں نوں خُدا حقیر نہ کدی سمجھے گا
Rab sachmuch os di sunda hi Dua jo os tho mangda hi
Apney asiran nu Khuda Haqir na kadi samjhe ga

---

مُصیبت دے و چ پھسیا ہاں دکھیارا دکھ وچ دھسیا ہاں
خَلاصی دےوے گا خُدا بُلندی مینوں بَخشے گا
Musibat de wich phaseya han dukhyara dukh vich dhaseya haan
Khalasi dewey gaa Khuda bulandi menu bakhshe ga

---

خُدا دے ناں دی ایہہ زُبان تَد کرے گی تعریف بیان
شُکرانے میں مناواں گا بَزرگی اُس دی گاواں گا
Khuda de naa dee eh zuban tad karey gi tareef beyaan
Shukrane main manawaan gaa bazurgi ous di gawaan ga

---

ایہہ گَل یہواہ دے حَضور ہاں ودھ کے ہُندی ہے مَنظور
تے ڈھگے وچھے خُوب تیّار ہون سب کھُر والے تے سِنگدار
Eh gal Yehowa dey hazoor haan wadh key hondi hai manzoor
Tey dhagey wachey khoob teiyar houn sab khur wale te seingdar

---

تے بُجھے دِل ایہہ ویکھن گے خُوش ہوون مارے خُوشی دے
جو ڈھونڈدے راہ یہواہ دا دِل زِندہ ہووے اوہناں دا
Tey bujhey dil eh wekhan gey khush howan mare khushee de
Jo dhondaday rah Yehowa da dil zinda howey ohna da

---

میری جان دے تیک خُداوندا
آ پہنچیا پا نی توئےں بچا
Meri jan day teek Khudawanda
A pohanchya pani tuwein bacha

---

میں دھسیا ہاں ٹوئے تے چِکڑ وِچ
نہیں میرے کھلوون دی کوئی جا
Main dhasya han toe te chikar wich
Nahin mere kalouwan di koi jaa

---

میں ہاں ڈّبا ڈوہنگے پانی وِچ
میرے اُتوں ٹھلاں لنگھدیاں چا
Main haan duba dohngey pani wich
Mere utoun thalaan langdiyaan chaa

---

میں تے تھک وی گیا ہاں چیخدیاں
میرا گلا تے ڈاہڈا سُک وی گیا
Main te thak wi geya haan chikh deaan
Mera gala te dhahada suk wi geya

---

ایتھوں تیک اُڈیکیا رّب نوں میں
اکھیاں اگے ہنیرا آ وی گیا
Ethoun teek udikea Rabb nu main
Akhiyaan agey hanera aa wee geya

---

اوہ ودھ گئے سر دیاں والاں
تھوں جنہاں ویر ناحق ہے پایا چا
Oh wadh gaye sir deyaan walaan tho
Jinhaan vair nahaq hai paaya chaa

---

میرے ناحق ویری زور آور
مینوں مارنا چاہندے خُداوندا
Mere nahaq veri zouraawar
Menu marna chahandey Khudawanda

---

جیہڑا میں نہ کدی وی کھویا سی
میں تے اوہنوں وی مُڑ دیواں گا
Jehera main naa kadi wi khouya see
Main te ohnu wee murr dewaanga

---

توں میری نادانی نوں جاندا ہیں
نہ گُجھی ہے تےتھوں میری خطا
Tu meri nadani nu janda hain Naa gujhi hai tethoun meri khata

---

ساریو لوکو ساڈے رب نوں دھن دھن آکھ کے گاﺅ
اوہدی اُستت دے وچ سبھو خُوش آواز سُناﺅ
Sareyo louko sade Rabb nu dhan dhan aakh ke gao
Odhi ustat de wich sabho khush aawaz unao

---

ساڈی جِندڑی نوں حیاتی آپ عطا فرمائے
ساڈے پیراں نوں خُداوند تِلکن تھوں بچائے
Sadi jindari nu hayati aap aata farmaway
Saday peraan nu Khudawand tilkan thon bachaway

---

اَے خُداوند توں تے سانوں آپیں ہے آزمایا
تایا توں اجیہا سانوں جیوں روپے نو ں تایا
Aye Khudawand tu te sanu apein hai azmaya
Taya tu ajeha sanu jiwein rupay nu taya

---

ساڈیاں لکاں تے دکھ بدھا پھاہی وچ پھسایا
توئیں ساڈیاں سراں اُتے لوکاں نوں چڑھایا
Sadeyaan lakan te duk h badha phai wich phasaya
Tuein sadaiyaan siraan uttey loukaan nu haraya

---

پانی اگ وچ پئے اسیں سب پَر خُدایا توئیں
سانوں کڈھ کے چنگے تھاں وچ آپ پچایا توئیں
Pani agg wich paye asee sab par Khudaya tuein
Sanu kadh ke changey thaa wich aap bochaya tuein

---

سوختنی قُربانی لے کے تےرے گھر وِچ جاواں
تےرے اگّے اَے خُداوند نذاں سب چڑھاواں
Sokhtani qurbani lay ke teray ghar wich jawaan
Tere agey aye Khudawand nazaraan sab charawaan

---

جہڑیاں اپنے مونہوں منیاں دکھ جد سر تے آیا
اوہ سبھو گذراناں گا میں میرے پاک خُدایا
Jehriyan apne monho maniyaan dukh jad sir te aaya
Oh sabhou guzranaa ga mein mere pak Khudaya

---

پالے ہوئے وچھے بکری بھیڈاں دی خُوشبوئی
سوختنی قُربانی ربّا تیرے اگے ڈھوئی
Paalay hoye wachay bakri bhedaan di khusboi
Sokhteni qurbani Rabba teray aggay dhoyee

خُداوند نوں اُڈیکدی رہ آرام نال میری جان
کہ اوس تھوں میری ہے امّید اوہ میری ہے چٹان
Khudawand nu udikdi reh aram nal meri jan
Keh ous tho meri hai umeed oh meri hai chatan

---

اوہ میری جان دا قلعہ ہے نجات تے پناہ گاہ
سو میں تے ا پنی جگہ توں نہ کدی ٹلاّں گا
Oh meri jaan da qila hai nijaat tey panah ga
So mein te apni jagah tho na kadi talaanga

---

خُدا تھیں میری ہے نجات ہے ا وس تھیں میری شان
خُداو ند میری پناہ ہے زور میرے دی چٹان
Khuda thein meri hai nijat hi os thein meri shan
Khudawand meri panah hai zour mere di chatan

---

آس اوہدے اُتے رکھو سب اَے اُمتو سدا
جھکاﺅ اوہدے اگے دِل کہ اوہو ہے خُدا
Aas ohday utay rakho sab aye umatou sada
Jhukao ohaday agay dil keh ohou hai Khuda